វ៉ាស៊ីនតោន៖ នៅព្រឹកថ្ងៃទី១៣ ខែកុម្ភៈ ឆ្នាំ២០២៣នេះ យោធាសហរដ្ឋអាមេរិក បានបាញ់ទម្លាក់យានមួយគ្រឿហផ្សេងទៀត ដែលកំពុងហោះនៅជិតព្រំដែនប្រទេសកាណាដា។
នេះជាឧប្បត្តិហេតុលើកទីបួន ពាក់ព័ន្ធយាន ដែលគេប្រទះឃើញ នៅក្នុងខែកុម្ភៈនេះ។
រដ្ឋាភិបាលអាមេរិក ចាប់ផ្តើមបង្កើនការប្រុងប្រយ័ត្នខ្ពស់ចាប់តាំងពីយោធាបានបាបាញ់កម្ទេចាឡុងចារកម្មចិន កាលពីថ្ងៃទី៤ ខែកុម្ភៈ នៅឆ្ឆ្នេសមុទ្រក្នុងរដ្ឋ ខារ៉ូឡាយណាខាងត្បូង។
ក្រុមមន្ត្រីបានស្រង់យកបំណែកខ្លះរបស់បាឡុងនោះចេញពីមហាសមុទ្រ ហើយបាននិយាយថា វាមានប្រភពមកពីប្រទេសចិន ដើម្បីឈ្លបយការណ៍។
ប្រទេសចិនបានបដិសេធថាថបាឡុងនោះមិនមែនប្រើសម្រាប់ចារកម្មទេ វាសម្រាប់ត្រួតពិនិត្យមើលអាកាស ហើយហោះខុសគន្លងកំណត់។
ចាប់តាំងពីឧបទ្ទវហេតុដំបូងនោះមក យន្តហោះចម្បាំងអាមេរិកបានបាញ់ទម្លាក់យាន ដែលមានកម្ពស់ខ្ពស់ចំនួនបីបន្ថែមទៀតក្នុងរយៈពេលប៉ុន្មានថ្ងៃកន្លងមកនេះ។
កាលពីថ្ងៃសុក្រ ប្រធានាធិបតីអាមេរិក លោក ចូ បាយដិន (Joe Biden) បានបញ្ជាឲ្យបាញ់ទមទម្លាក់យានមួយ ហោញនៅលើរដ្ឋ អាឡាស្កា ហើយបន្ទាប់មក កាលពីថ្ងៃសៅរ៍ យានស្រដៀងគ្នាមួយទៀត ត្រូវបានបាញ់ទម្លាក់នៅភាគពាយ័ព្យប្រទេសកាណាដា។
ទោះបីយ៉ាងណាក៏ដោយ មន្ត្រីយោធាអាមេរិក មិនបានកំណត់អត្តសញ្ញាណជាសាធារណៈពីប្រភពសង្ស័យនៃយានទាំងនេះទេ។
ទាំងសហរដ្ឋអាមេរិក និងកាណាដា កំពុងតែប្រមូលយកសំណល់របស់យានទាំងនោះមកវិញ ដើម្បីពិនិត្យមើលទិន្នន័យរបស់វា៕
