ក្រុងដូហា៖ កីឡាករ នីកូឡាស ហ្វុលរុក (Nicolas Fullkrug) បានសង្គ្រោះមួយពិន្ទុសម្រាប់ក្រុមអាឡឺម៉ង់ បន្ទាប់ពីកីឡារ អាល់វ៉ារ៉ូ ម៉ូរ៉ាតា (Alvaro Morata បានជួយឲ្យអេស្ប៉ាញនាំមុខ ក្នុងការប្រកួតដណ្តើមពានរង្វាន់កីឡាបាល់ទាត់ពិភពលោក នៅក្នុងប្រទេសកាតា។
កីឡាករបម្រុង នីកូឡាស ហ្វុលរុក បានស៊ុតបញ្ចូលទីយ៉ាងល្អ នៅពាក់កណ្តាលតង់ទីពីរ បានជួយអាល្លឺម៉ង់ ឲ្យត្រឹមស្មើអេស្ប៉ាញ ១-១
ក្នុងការប្រកួត World Cup ពូល E ដែលជាលទ្ធផលបានធ្វើឲ្យក្រុមអាចឡើងទៅប្រកួតវគ្គបន្តទៀត។
ត្រូវបានចាត់ទុកថា ជាសមរភូមិទម្ងន់ធ្ងន់រវាងក្រុមយក្សពីរនៃបាល់ទាត់អ៊ឺរ៉ុប នេះគឺជាល្បឿន ដ៏រំភើប ដល់ចប់៩០នាទី ដែលប្រហែលជាសមនឹងទទួលបានគ្រាប់បាល់បន្ថែមសម្រាប់ក្រុមពីរ ដែលធ្លាប់បានលើកពាន World Cup ពីមុន។
ក្រុមអេស្ប៉ាញ់ លេលេងបាន្អក្នុងតង់ទីមួយ កាលពីល្ងាចថ្ងៃអាទិត្យ ដោយមើលទៅទំនងជាអាចបំបែកភាពជាប់គាំងជាមួយនឹងភាពប៉ិនប្រសប់ និងទម្រង់លេងរបស់ពួកគេ។ ការខិតខំប្រឹងប្រែងនៅនាទីទី ៧ ដ៏មានអានុភាពរបស់កីឡាករ ដានី អ៊ុលម៉ូ (Dani Olmo) ត្រូវបានបង្ខំបាល់ទៅបុករបាដែកកដោយកីឡាករអាល្លឺម៉ង់ ម៉ានូអែល នៅអឺ (Manuel Neuer)។
កីឡាករ អាំងតូនីញ៉ូ រូឌីគេ (Antonio Rudiger) បានទាត់ចូលប៉ើងសំណាញ់ទីរបស់អាឡឺម៉ង់ ដោយបាល់ហ្វ្រីឃីក ប៉ុន្តែគ្រាប់បាល់ត្រូវអាជ្ញាកណ្តាលបដិសេធ ដោយសារហួសខ្សែបន្ទាត់។
ក្រុមអេស្ប៉ាញ រកគ្រាប់បាល់បាន នៅដើមតង់ទីពីរ។
កីឡាករបម្រុង អាល់វ៉ារ៉ូ ម៉ូរ៉ាតា របស់អេស្ប៉ាញ បានវាយបកតាមបង្គោលទីជិតអ្នកចាំទី អាល្លឺម៉ង់ បន្ទាប់ពីការបញ្ជូនបាល់ពីកីឡាករ ជោឌី អាល់បា (Jordi Alba) នៅនាទី ទី៦២ ដើម្បីផ្តល់ឱ្យអេស្ប៉ាញនាំមុខ។
ត្រឹមតែ១៣នាទី ក្រោយមកកីឡាករ នីកូឡាស ហ្វុលរុក បានតាមស្មើឲ្យអាល្លឺម៉ង់ នៅនាទី ទី៨៣ ដោយបានទាត់ចូលទី។
ចាប់ពីពេលនោះមក រហូតដល់ម៉ោងបន្ថែម៦នាទីត្រូវបានបញ្ចប់ ក្រុមទាំងពីរមានឱកាសឈ្នះក្នុងការបញ្ចប់ដ៏គួរឱ្យភ្ញាក់ផ្អើល ប៉ុន្តែត្រូវដោះស្រាយគ្នាដើម្បីទទួលបានលទ្ធផលស្មើ។
កីឡារ អាល់វ៉ារ៉ូ ម៉ូរ៉ាតា របស់អេស្ប៉ាញ បានប្រាប់អ្នកយកព័ត៌មានក្រោយការប្រកួតថា «អាល្លឺម៉ង់មានក្រុមដ៏អស្ចារ្យ ហើយខ្ញុំគិតថា វាជាការប្រកួតដ៏អស្ចារ្យមួយ។ ក្រុមទាំងពីរនេះ អាចឡើងទៅវគ្គពាក់កណ្តាលផ្តាច់ព្រ័ត្រ ឬវគ្គផ្តាច់ព្រ័ត្រនៃការប្រកួត World Cup។ អ្វីដែលសំខាន់បំផុត គឺការឈ្នះ ហើយយប់នេះពួកគេបានស៊ុតបាល់បញ្ចូលទីយ៉ាងអស្ចារ្យ ហើយយើងសំណាងល្អ ដែលមិនបានឈ្នះ ប៉ុន្តែថ្ងៃស្អែកយើងចូលហ្វឹកហាត់វិញ»។
កីឡាករ របស់អាល្លឺម៉ង់បានប្រាប់អ្នកសារព័ត៌មាន បន្ទាប់ពីការប្រកួតថា លទ្ធផល គឺយុត្តិធម៌ ទល់នឹងក្រុមអេស្ប៉ាញដ៏ស្វិតស្វាញ។
លទ្ធផលស្មើរបស់ពួកគេបានធ្វើឱ្យអេស្ប៉ាញឈរនៅលើកំពូលនៃពូល ដោយត្រូវការត្រឹមតែមួយពិន្ទុទល់នឹងជប៉ុន ដើម្បីធានាបានកៅអីមួយក្នុងវគ្គ១៦ ក្រុមចុងក្រោយនៃការប្រកួត។
ក្រុមអាឡឺម៉ង់ ដែលបានចាញ់ ២-១ ក្នុងការប្រកួតបើកឆាកទល់នឹងជប៉ុន កំពុងស្ថិតនៅបាតតារាងមួយពិន្ទុ។ ពួកគេត្រូវការយកឈ្នះជាមួយក្រុម កូស្តារីកា នៅថ្ងៃព្រហស្បតិ៍ ហើយក្តីសង្ឃឹមរបស់ពួកគេ គឺអាស្រ័យទៅលើការចាញ់របស់ជប៉ុន៕
