បាងកក៖ កងទ័ពជើងទឹកថៃ បាននិយាយថា នាវិកចំនួន៣១នាក់ បានបាត់ខ្លួន បន្ទាប់ពីកប៉ាល់ចម្បាំង ដែលផ្ទុកនាវិកជាង១០០នាក់ បានក្រឡាប់ និងបានលិចដោយសារព្យុះនៅឈូងសមុទ្រថៃ។
កប៉ាល់ច្បាំង ឈ្មោះ HTMS សុខោទ័យ បានលិច កាលពីយប់ថ្ងៃអាទិត្យ។
កាលពីថ្ងៃច័ន្ទ អាជ្ញាធរថៃ បាននិយាយថា ពួកគេបានជួយសង្គ្រោះនាវិក៧៥នាក់ ប៉ុន្តែ៣១ នាក់នៅតែបាត់ខ្លួននៅក្នុងសមុទ្រដ៏លំបាក។
អ្នកនាំពាក្យកងទ័ពជើងទឹកថៃ បានប្រាប់និយាយថា «អស់រយៈពេលជាង១២ម៉ោងហើយ ប៉ុន្តែយើងនឹងបន្តរកមើលអ្នកបាត់ខ្លួន»។
ក្រុមអ្នករុករក បានធ្វើការពេញមួយយប់ ដើម្បីស្វែងរកអ្នកនៅរស់រានមានជីវិត ដោយប្រតិបត្តិការនៅតែបន្តនៅថ្ងៃច័ន្ទ ដោយមានជំនួយពីកងកម្លាំងទ័ពអាកាស។
កងទ័ពជើងទឹកថៃ ក៏បានប្រកាសពីការស៊ើបអង្កេតលើមូលហេតុនៃគ្រោះមហន្តរាយនេះ។
អ្នកនាំពាក្យកងទ័ពជើងទឹកថៃ បាននិយាយថា «រឿងនេះស្ទើរតែមិនដែលកើតឡើងសោះនៅក្នុងប្រវត្តិសាស្ត្ររបស់កងកម្លាំងរបស់យើង ជាពិសេសចំពោះកប៉ាល់ ដែលនៅតែប្រើប្រាស់យ៉ាងសកម្ម»។
ក្រុមមន្ត្រីបាននិយាយថា កប៉ាល់ដែលបានលិចនេះបានឆ្លងចរន្តអគ្គិសនីដល់បន្ទប់នាវិក។
ជាមួយនឹងការបាត់បង់ថាមពល ក្រុមនាវិកបានប្រយុទ្ធដើម្បីរក្សាការគ្រប់គ្រងនៃកប៉ាល់ដែលបានចុះបញ្ជីនៅខាងរបស់ខ្លួន មុនពេលលិចនៅម៉ោង២៣ និង៣០នាទីយប់ថ្ងៃអាទិត្យ។
កប៉ាល់នេះបានដើរល្បាតចម្ងាយ៣២គីឡូម៉ែត្រ លើផ្ទៃសមុទ្រ ក្នុងខេត្ត ប្រាជួប គីរីខណ្ឌ (Prachuap Khiri Khan) ហើយបានជួបព្យុះ។
នាវាកងទ័ពជើងទឹក និងឧទ្ធម្ភាគចក្រចំនួនបីគ្រឿងត្រូវបានបញ្ជូនទៅជួយ ប៉ុន្តែមានតែនាវា HTMS ចន្ទបូរី បានទៅដល់នាវាមុនពេលវាលិច។
កងទ័ពជើងទឹក បាននិយាយថា នាវាចម្បាំងបានដឹកនាវិកភាគច្រើនប្រចាំក្នុងខេត្ត សុខោទ័យ។ នាវិកដែលពាក់អាវសុវត្ថិភាពត្រូវបានរកឃើញអណ្តែតនៅលើទឹក។ ប៉ុន្តែកងទ័ពជើងទឹកបានបង្ហាញព័ត៌មានលម្អិតតិចតួចអំពីស្ថានភាពទាហានទាំងនោះ។ ចំណែកប្រព័ន្ធផ្សព្វផ្សាយថៃ បានផ្សព្វផ្សាយរូបភាព ដែលបង្ហាញពីបុគ្គលិកពេទ្យរងចាំយកសមាជិកនាវិក ចេញពីក្នុងរទេះរុញ។
នាយករដ្ឋមន្ត្រីថៃ លោក ប្រាយុទ្ធ ចាន់អូចា បានចេញសេចក្តីថ្លែងការណ៍មួយ កាលពីថ្ងៃចន្ទ ដោយបញ្ជាក់ថា ក្រុមមន្ត្រីកំពុងស៊ើបអង្កេតគ្រោះមហន្តរាយនេះ។
លោកបានថ្លែងថា៖ «ខ្ញុំកំពុងតាមដានព័ត៌មាននេះយ៉ាងដិតដល់ – មនុស្សប្រហែល៥នាក់បានរងរបួសធ្ងន់»។
កប៉ាល់ចម្បាំងឈ្មោះ HTMS សុខោទ័យ ត្រូវបានផលិតនៅសហរដ្ឋអាមេរិក សម្រាប់កងទ័ពជើងទឹកថៃ នៅពាក់កណ្តាលទសវត្សរ៍ឆ្នាំ ១៩៨០៕
