នៅព្រឹកថ្ងៃទី ២៩ ខែមេសា ឆ្នាំ២០២១ ឯកឧត្តម អ៊ុន ចាន់ដាអភិបាលនៃគណៈអភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ អញ្ជើញដឹកនាំកិច្ចប្រជុំបន្ទាន់មួយ ពាក់ព័ន្ធនឹងការផ្ទុះឡើងនៃជំងឺកូវីដ-១៩ នាពេលថ្មី ដើម្បីដាក់ចេញនូវវិធានការការ ទៅដល់អាជ្ញាធរមានសមត្ថកិច្ច មន្ត្រីពាក់ព័ន្ធ និងប្រជាពលរដ្ឋ ដើម្បីបើកយុទ្ធនាការប្រយុទ្ធប្រឆាំង ទប់ស្កាត់ការឆ្លងរាលដាលនៃជំងឺដ៏មហាប្រល័យ កូវីដ-១៩។
កិច្ចប្រជុំនេះមានការអញ្ជើញចូលរួមពី ឯកឧត្តមអភិបាលរងខេត្ត លោកស្នងការនគរបាលខេត្ត លោកមេបញ្ជាការកងរាជអាវុធហត្ថខេត្ត លោកប្រធានមន្ទីរសុខាភិបាលនៃរដ្ឋបាលខេត្ត លោកនាយករដ្ឋបាល លោកអភិបាលក្រុង-ស្រុក ពាក់ព័ន្ធ និងមន្ត្រីសាលាខេត្តមួយចំនួនទៀត៕
